Түлкібас ауданында көші-қон үдерістерін тиімді басқару, халықтың қоныстануын оңтайландыру және еңбек ресурстарын ұтымды пайдалану бағытында жүйелі жұмыстар жүргізілуде. Бұл шаралар өңірдің әлеуметтік-экономикалық дамуын қолдауға, халықтың әл-ауқатын арттыруға және еңбек нарығындағы тепе-теңдікті қамтамасыз етуге бағытталған.
Көші-қон саясатының басты мақсаты – азаматтардың өмір сүру сапасын жақсарту, еңбек әлеуетін тиімді іске асыру және тұрғындарға жаңа мүмкіндіктер ұсыну. Осыған сәйкес ауданға қоныс аударушыларды қабылдау, оларды тұрақты жұмыспен қамту, тұрғын үй мәселелерін шешуге қолдау көрсету және жаңа ортаға әлеуметтік бейімдеу жұмыстарына ерекше көңіл бөлінуде.
Мемлекеттік бағдарламалар аясында қоныс аударушыларға жұмыспен қамту шаралары ұсынылып, кәсіпкерлік бастамаларды жүзеге асыруға қолдау көрсетілуде. Сондай-ақ еңбекке қабілетті азаматтардың кәсіби дағдыларын жетілдіру, қайта даярлау және сұранысқа ие мамандықтар бойынша оқыту жұмыстары ұйымдастырылып келеді.
Ішкі еңбек көші-қонын дамыту да маңызды бағыттардың бірі болып табылады. Еңбек күші артық өңірлерден жұмысшы мамандарға сұраныс жоғары аймақтарға азаматтарды бағыттау арқылы олардың тұрақты табыс табуына және жұмыспен қамтылуына мүмкіндік жасалуда. Бұл өз кезегінде еңбек нарығындағы сұраныс пен ұсыныстың теңгерімін сақтауға ықпал етеді.
Сонымен қатар тұрғындарға көші-қон заңнамасының талаптары, мемлекеттік қолдау шаралары мен бағдарламалардың мүмкіндіктері туралы тұрақты түрде ақпараттық-түсіндіру жұмыстары жүргізілуде. Мұндай жұмыстар азаматтардың құқықтық сауаттылығын арттырып, мемлекеттік қолдау тетіктерін тиімді пайдалануына жағдай жасайды.
Көші-қон үдерістерін тиімді ұйымдастыру – халықтың әл-ауқатын арттырудың, еңбек ресурстарын ұтымды бөлудің және Түлкібас ауданының тұрақты әлеуметтік-экономикалық дамуын қамтамасыз етудің маңызды тетіктерінің бірі болып қала береді.
